Жетісу облысында екі көпірді су шайып кетті

Жетісу облысына қарасты Кербұлақ ауданы Шанханай ауылында жергілікті өзендердің бірінде су деңгейі көтеріліп, көпірді алып кеткен, деп хабарлайды Stan.kz ақпарат агенттігі.

Толассыз жауған жаңбырдың салдарынан салынып жатқан екі құбырлы көпірдің топырағы жартылай шайылып кеткен. Жергілікті әкімдіктің мәліметінше, зардап шеккендер жоқ.

"Оқиға салдарынан Шанханай ауылында 4 ауланы ішінара су басып жатыр. Оқиға орнында ТЖД-нің 7 қызметкері, 1 техника мен 1 мотопомпа жұмыс істеп жатыр. 

Сондай-ақ жергілікті атқарушы органдар тарапынан 20 адам жағдайды қалыпқа келтіруге қатысты", – деп хабарлады Кербұлақ ауданының әкімдігі.