Депутат Қазақстанда онлайн несиеге тыйым салуды ұсынды
Қазақстан халық партиясы фракциясының басшысы Магеррам Магеррамов Ұлттық банкке онлайн несиеге тыйым салуды ұсынды. Бұл туралы Stan.kz ақпарат агенттігі хабарлайды.
Фото: pixabay.com
Депутат алаяқтардың бірнеше жылдан бері өз құрбандары туралы барлық қажет деректі тауып жүргенін жеткізді. Айтуынша, олардың деректерді қайдан алатынын уәкілетті органдар әлі анықтамаған.
"Бұл жағдай біздің жеке деректерді қорғау жүйесі әлсіз екенін көрсетеді. Кез келген сипаттағы ақпарат, ЖСН немесе биометрия киберқылмыскерлер үшін таптырмас құрал бола алады", – деді депутат.
Ол сондай-ақ Қазақстанда мұндай қылмыстар ашылмайтынын, ал жәбірленушілер алаяқтар рәсімдеген несие қарыздарды жылдар бойы төлейтінін жеткізді.
Магеррам Магеррамовтың пікірінше, электронды онлайн несиелеуге тыйым салу керек. Сонда алаяқтарға алданып несие алған азаматтар саны азаяды.
"Су тапшылығы болып, қала демала алмай қалады": Экологтар Көкжайлауда 650 миллиардқа салынатын тау кластері құрылысын тоқтатуды талап етті
Сөздерінше, құрылыс мұзды аймақтарға тікелей жақын орналасқан 3880 метр биікке салынады
2,8 шақырымға 4 миллиард теңге жұмсалған: Жетісу облысындағы сарқырамаға апаратын жолдың құрылысы әлі бітпей тұр
Сарқырамаға апаратын жол 2027 жылы қолданысқа берілмек