AAPL
133.98 $
1.27 %
TSLA
623.71 $
0.46 %
NDAQ
178.7 $
-0.04 %
GOOGL
2446.61 $
0.43 %
FB
339.03 $
2.03 %
FRHC
61.35 $
-0.54 %
AAPL
133.98 $
1.27 %
TSLA
623.71 $
0.46 %
NDAQ
178.7 $
-0.04 %
GOOGL
2446.61 $
0.43 %
FB
339.03 $
2.03 %
FRHC
61.35 $
-0.54 %
Соңғы жаңалықтар
Соңғы жаңалықтар

"Жедел жәрдем шақырудың орнына дәлелдердің көзін жоя бастаған": Павлодар облысында өзіне оқ атқан полицейдің әкесі оқиға туралы айтты

Павлодар облысы Железин аудандық прокуратура ғимаратында өзіне оқ атқан полиция қызметкері 29 жастағы аға тергеушісі Рахым Оңбаев болып шықты. Бұл туралы оның әкесі Нұрлан Оңбаев мәлімдеді. Ол болған оқиғаның егжей-тегжейін айтты, деп хабарлайды Stan.kz ақпарат агенттігі Tengrinews.kz сайтына сілтеме жасап.

Жәбірленушінің әкесінің айтуынша, 23 мамырда ұлын шұғыл түрде прокуратураға шақырған.

"Жексенбі еді, ұлым жұмысқа кетті, бірнеше сағаттан кейін бізге оның ауруханада екенін хабарлады. Рахимнің айтуынша, сол күні оны прокуратураға бірнеше рет шақырған, соңғы рет сағат алтыда кейбір құжаттарға қол қою үшін келіп, жұмыс бөлмесінде жайылған дастарханды көрген, онда прокуратура қызметкерлері отырып, арақ ішіп отырған. Ұлым олардың әрекетіне ашуланған. Олар оған не айтқанын білмеймін, мүмкін мазақ етіп, қорлаған шығар. Бірақ олар шеңберден шығып кеткені анық. Ұлым шыдай алмай, шарасыздықтан өзіне оқ атқан. Ұлымның айтуынша, оқ атылғаннан кейін ол еденге құлаған, ал прокуратура қызметкерлері оған көмек көрсетудің, жедел жәрдем шақырудың орнына үстелден тамақты сыпырып, бақылау камераларынан видеоны өшіріп, кеңсені тазалай бастаған. Балам қызметкерлердің біреуінің ауруханаға қоңырау шалып, біреуден келуін сұрағанын естіген", - дейді қызметкердің әкесі.

Ер адамның айтуынша, қанға боялған Рахымды жұмыс бобы бойынша прокуратураға келген жергілікті полиция қызметінің бастығы көрген. Ол оған жедел жәрдем шақырған.

Зардап шеккен полицейдің туыстары бұл оқиғаға жаңадан тағайындалған прокурордың көмекшісін кінәлайды.

"Прокурордың жаңа көмекшісінің келуімен Рахым жиі жұмыста кідіре бастады, ол оған үнемі кінә тағып, күніне бірнеше рет кабинетке шақыра берген. Ол түнде қоңырау шалып, ұлымдды шақырған кездер де болды, ол оны бірнеше сағат күтетін, прокурордың көмекшісі келмей қоя салатын. Балам өте әдепті адам, полицияға саналы түрде барды. Былтыр тамыз айында ол мерзімінен бұрын полиция майоры атағын алды, оны жоғарылатып, тергеуші етіп ауыстырғалы жатқанын айтты. Ол өз жұмысын өте жақсы көретін. Барлығы оны сабырлы және салмақты адам ретінде біледі. Егер итермелемесе, ол ешқашан мұндай қадамға бармас еді. Оның отбасы бар, 4 жасар ұлы өсіп келеді", - деді Нұрлан Оңбаев.

Полицейдің туыстары кінәлілерді тауып, жазалауды талап етеді.

"Менің ұлымды осындай жағдайға жеткізген адамдар тиісті жазаға тартылуы керек. Мұндай қызметкерлер прокуратура қатарында жұмыс істемеуі керек деп санаймын", - деді полицейдің әкесі.

Еске сала кетейік, Железин ауданының аға тергеушісі жергілікті аудандық прокуратура ғимаратында қызметтік қарудан өзіне оқ атқан. Оқ иыққа тиген. Ер адамға операция жасады, қазір оның денсаулығына қауіп төніп тұрған жоқ. 

Талқылау
Пікір
Қазір оқып жатыр
Çàãðóçêà...
Қазір оқып жатыр