Жаяу жүргінші жолағынан өтіп бара жатқан әйел мен 4 жасар қызды көлік қағып кетті

Атырауда жаяу жүргінші жолағынан өтіп бара жатқан әйелді 4 жасар қызымен көлік қағып кетті. Бұл туралы ҚазАқпарат тілшісі хабарлады.

«Қызын балабақшаға апара жатқан әйелді «Лада-Ларгус» көлігі қақты. 4 жасар қыз оқиға орнында қаза тапты. Қазіргі уақытта әйел ауруханада травматологиялық бөлімге жеткізілді. Көлік апатын жасаушы – Индер ауданының 31 жастағы тұрғыны», – дейді облыстық ІІД баспасөз хатшысы Назымгуль Кайсагалиева.

Қазіргі уақытта көлік апатына байланысты тергеу амалдары жүргізіліп жатыр.

Оқи отырыңыз:

Астанада түрме қызметкері өзіне қол салды

Бүйрек ауыстырған қыздың анасы: Жәмила ауырып жатқанда бейтаныс әжей келіп батасын беріп кеткен еді