"Жай ғана жолы болғыштар": Тоқаевпен кездескен блогерлер мен әншілер сынға қалды

Мереке күні қарсаңында мемлекет басшысы креатив жастармен кездесу ұйымдастырып, жобаларымен танысты. Бұл туралы Stan.kz ақпарат агенттігі хабарлайды. 

Фото: https://www.instagram.com/ayreeofficial/

Айта кетейік, Қасым-Жомарт Тоқаевқа музыка, әлеуметтік желі, киноиндустрия, жасанды интеллект және киберспорт салаларында табысқа жеткен отандық жобалар таныстырылған еді. Сонымен қатар кездесуге өнер өкілдері де қатысты. Ayree, Yeanlik, Раим, Ерболат Беделхан, Мирас Жүгінісов, Саддрадин секілді шоу-бизнес мамандары да төбе көрсетті. 

Желі қолданушылары кездесуге келген жастардың басым көпшілігі блогерлер мен әншілер екенін байқап, сынға алды.

“Жай ғана жолы болғыштар дер едім. Негатив емес. Креатив деген әншілер емес. 1-2 еуін ғана шақырып, қалған адамдарды басқа саладан жинауы керек еді. Тізімді кім жасады екен деп еріксіз ойланасың”, – деді желі қолданушысы. 

• "Ұлым орыс мектебінде оқиды": Мөлдір Әуелбекова бала тәрбиесі туралы сыр шертті

• "Етік – 319 мың, туфли – 559 мың": Әсел Асқар көктемге сай гардеробын жаңартты

Одан кейін әнші Ayree жеке парақшасында пікірді бөлісіп, жауап берді. 

“Дым еңбегі мен үлесі жоқ, креатив емес, жай ғана адамдардан сәлем! Ұзын сөздің қысқасы, шатпаңдар қарақтарым! Жүректеріңді кеңейтіңдер! Шынайы қуаныңдар! Жақсылық тілеңдер, бағалаңдар!”, – деп жауап берді өнер иесі. 

Фото: https://www.instagram.com/ayreeofficial/

Еске салайық, президенттің сыйлығын Ерке Есмахан көрсеткенін жазған едік.