Жаттықтырушының жалақасы 600 000 доллар: "Қайрат" ресми мәлімдеме жасады
Әлеуметтік желіде "Қайрат" футбол клубы жаттықтырушысының жылдық жалақысы 600 000 доллар деген ақпарат тараған болатын. Бұл жағдайдан кейін "Қайрат" ресми мәлімдеме жасап, ақпаратты жоққа шығарды, деп хабарлайды Stan.kz ақпарат агенттігі.
Бұған дейін әлеуметтік желіде және БАҚ беттерінде Құрбан Бердиевті "Қазақстандағы премьер лигасындағы ең қымбат жаттықтырушы" деп атаған болатын.
"Қайрат" аталмыш ақпараттың шындыққа жанаспайтынын және маманның жалақысы жайлы мәліметті еңбек келісіміне сәйкес жариялай алмайтынын ресми түрде мәлімдейді", – деп жазды клубтың Instagram парақшасында.
Айта кетейік, "Қайрат" Қазақстан премьер лигасында 2021 жылы үшінші орын иеленген болатын. 25 қарашада олар Конференция лигасы аясында швейцариялық "Базель" клубына қарсы кездесу өткізеді.
"Оңай" картасының ресейлік "Золотая корона" жүйесімен қандай байланысы бар: Алматы әкімдігі түсініктеме берді
"Оңайға" қатысты бірден екі мәселе туындады
Бөтен тойға кіріп, тамақтанып кеткен: Шақыртусыз қонақтар қазақстандықтардың ашуына тиді
Шақырусыз адамдардың тек тойға емес, қаралы асқа да келетінін айтқандар болды