«Жарайсың, Әнел»: Тоқаев Ла-Манш бұғазын бағындырған қазақстандық спортшыны құттықтады
Мемлекет басшысы Қасым-Жомарт Тоқаев Ла-Манш бұғазын жүзіп өткен қазақстандық спортшы Әсел Сытдықованы құттықтады, деп хабарлайды Stan.kz ақпарат агенттігі.
Өз сөзінде президент Әсел Сытдықованың Ла-Манш бұғазын жүзіп өткен тұңғыш қазақстандық екенін атап өтті.
«Спортшы қызымыз Әнел Сытдықова Қазақстанның тарихында тұңғыш рет және әлемде алғашқылардың бірі болып, Ла-Манш бұғазын жүзіп өтті. Мықты ерік-жігер мен хас шеберліктің керемет үлгісін көрсеттің. Жарайсың, Әнел!» - деп жазды Тоқаев Twitter желісінде.
Еске сала кетсек, Әнел Сытдықова ұзындығы 38 шақырымды құрайтын Ла-Манш бұғазын 15 сағатта гидрокостюмсіз жүзіп өткен еді. 40 жастағы спортшы бұғазды бағындырып, мақсатына жеткеннен кейін, Францияда Қазақстанның туын желбіретті.
"Әлемде мейірім барына сендіретін жандар": 2025 жылғы жан жылытар әрекеттер мен халықты тәнті еткен қазақстандықтар
Желі қолданушыларын тәнті еткен халық арасындағы қаһарман кейіпкерлердің әрекеттеріне шолу жасадық
2026 жылы қазақстандықтарға ақшаны қалай сақтаған тиімді – Қаржы сарапшылары кеңес берді
Жаңа жылда қазақстандықтарды қосылған құн салығының өсуі, инфляция бәсеңдеуі сынды жаңашылдықтар күтіп отыр