Жаңаөзенде оқушы қыз құрдасын ұрып-соғып, соны видеоға түсірген
Жаңаөзенде оқушы қыз өзіне жала жапты деп құрбысын ұрып-соғып, оқиғаны видеоға түсіріп алды. Жәбірленушінің анасы видеоны көріп, полицияға арызданған. Бұл туралы Stan.kz ақпарат агенттігі хабарлайды.
Фото: Pixabay.com
Маңғыстау облыстық сотының іс материалдарына сәйкес, 11 жастағы оқушы қыз сыныптасының үйіне келіп, кіре беріске шығуын өтінген. "Неге маған жала жабасың?" деген ол ұрып-соғып, мұны видеоға түсіріп алды.
Зардап шеккен қыздың анасы видеоны көріп, полицияға арызданған.
Бұл іс Маңғыстау облысының кәмелетке толмағандардың істері жөніндегі мамандандырылған ауданаралық сотында қаралды. Сот видео авторының ата-анасына айыппұл салды.
"Қылмыстық құқықбұзушылық белгілері бар қасақана әрекет жасаған кәмелетке толмаған баланы тәрбиелеу жөніндегі міндеттерді орындамағаны үшін құқық бұзушының ата-анасына 20 АЕК (73 840 теңге) айыппұл салынды”, – деп хабарлады сот.
Апелляциялық шағым берудің соңғы мерзімі – 3 желтоқсан.
Рейхстагқа ту тіккен Рахымжан Қошқарбаев па, әлде тарихи шындық бұрмаланды ма?
“Ақиқат бәрін жеңеді, бірақ 50 жыл кешігіп жүреді" дейді тарихшы Болат Сайлан
"Жалаң қылышпен танктерге қарсы соғысқан": Екінші дүниежүзілік соғыс кезінде жойылып кеткен 106-ыншы атты әскери дивизия туралы не білеміз
Дивизия құрамына алынатын жауынгерлерге "оқып-жаза алуы керек және орыс тілін білуі керек" деген талап қойылды