Жаңаөзенде анасы аяусыз ұрып тастаған жасөспірім ауруханадан бір-ақ шықты
Жаңаөзенде анасы ұлын аяусыз ұрып тастаған. Салдарынан баланың миы шайқалған, деп хабарлайды Stan.kz ақпарат агенттігі "Инақтауға" сілтеме жасап.
Жаңаөзен полиция басқармасының баспасөз қызметінің мәліметінше, оқиға 9 сәуірде болған. 16 жастағы жасөспірім жарақат алып, Жаңаөзен қалалық орталық ауруханасына түскен. Сол жерде полицияға хабарлаған. Дәрігер медициналық анықтамада пациенттің басынан соққы алу нәтижесінде ми шайқалғанын көрсетті.
"Тергеу барысында Жаңаөзен қалалық ПБ кәмелетке толмағандардың істері жөніндегі бөлімінің қызметкерлері жасөспірімді анасының ұрғанын анықтады", - деп хабарлады жергілікті полиция басқармасы.
- "Көмектесіңдер, қан ағып жатыр": Алматыда атасы немересін аяусыз ұрып тастады
- Петропавлда анасы сабап тастаған үш жасар қыз көз жұмды
Қазір жәбірленуші ауруханада емделуді жалғастыруда, онымен психологтар жұмыс істеп жатыр. Алдағы уақытта оны Ақтаудағы бейімдеу орталығына орналастыру жоспарланып отыр.
"Қалалық білім бөлімінің қамқоршылық және қорғаншылық қызметкерлері анаcын ата-ана құқығынан айыру туралы құжаттарды жинайды", - деп қорытындылады басқарма.
