Жан Ахмадиевтің видеосында жезөкшенің рөлін әйелі сомдаған
Рэпер Жан Ахмадиев көшедегі әйелдерді қамшымен сабамаған болып шықты, ол видеоға әйелі мен таныстарын түсірген.
Бұл туралы ҚР ІІМ Мемлекеттік тіл және ақпарат департаментінің директоры Алмас Сәдубаев айтты, деп хабарлады Sputnik Қазақстан.
“Әлеуметтік желіде тарап кеткен Ахмадиев Ж.А. әйелдерді қамшымен сабап жатқаны түсірілген видеороликтегі жағдай қойылым болып отыр. Яғни, жеңіл жүрісті қыздар ретінде оның әйелі мен таныстары түскен”, — деп хабарлады Сәдубаев.
Оның айтуынша, мұндай жағдайда Ахмадиевтің іс-әрекетінде қылмыс құрамы жоқ. Сондықтан рэперді қылмыстық кодекстің 293-бабы бойынша жауапқа тартуға болмайды.
Бірнеше күн бұрын әлеуметтік желіні “жарған” видео қазіргі уақытта YouTube желісінен өшірілген.
Ол жезөкшелер туралы видеосында қазақ жігіттеріне дәл осылай жасауға үгіттеген еді.
Еске салып өтсек, “Қазақпыз ғой” YouTube-арнасында “жезөкшелерді қамшымен қуып жүрген” рэпердің видеосы жарияланған еді.
Тағы оқыңыз:
Алматының жолдарын жөндеуге қанша қаражат жұмсалды: Миллиардтаған теңгені қай компаниялар алып жатыр
Жол жөндеу жұмыстарын 5 компания жүргізіп жатыр
Бір жыл бұрын салынады делінген 3,5 миллиард теңгелік футбол академиясының құрылысы әлі басталмаған: Тараз әкімдігі себебін түсіндірді
Әкімдік: "Оның құрылысына дайындық, жобалау, сараптамадан өткізу және құрылыс жұмыстарын бастау секілді әрбір кезең белгіленген тәртіп пен мерзім қажет"