Жалақыны көтеруді талап етті: Маңғыстау облысында мұнайшылардың ереуілі заңсыз деп танылды
Маңғыстау облысы Түпқараған ауданының соты Phystech II мұнай-газ компаниясы қызметкерлерінің ереуілін заңсыз деп таныды, деп хабарлайды Stan.kz ақпарат агенттігі Lada.kz сайтына сілтеме жасап.
Жұмысшылардың наразылық акциялары 15 желтоқсаннан бері жалғасуда. Олар жалақыны екі есе арттыруды талап етеді.
Ереуілшілер 6 желтоқсандағы еңбек арбитражының шешімдерін орындамай, еңбек кодексін бұзды деп танылды. Сондай-ақ сот акцияларға тыйым салынған маңызды өндірістік нысанда заңсыз ереуіл жасағандарын атап өтті.
Шешім әлі заңды күшіне енген жоқ, оған шағымдануға болады. Алайда олар акцияны тоқтатуға ниетті емес.
"Күннің суығына қарамастан , сегізінші күн тұрмыз. Басшылық бізді тыңдағысы келмейді, талаптарымыз еленбейді. Әкімдіктен ешкім де келген жоқ. Биліктің еңбек дауы бойынша сұрағымызды тыңдап, шешкенін қалаймыз", – деді ереуілге қатысушылардың бірі.
"Сот шешіміне дейін пәтерде тегін тұра ала ма": Үй иелері мен жалға алушылар Қазақстандағы жаңа өзгеріске байланысты нені білуі керек
Қожайындар енді екі айлық пәтер ақысын депозит ретінде бірден сұрайды
Қазақстандық оқушы ауа арқылы су тапшылығын жоюдың жолын қалай ойлап тапты: Оның өнертабысына шетел қызығуда
Ол жақында Венадағы БҰҰ штаб-пәтерінде Cleantech Days Forum 2026 форумында әлемнің үздік үш жас өнертапқышының қатарына енді