Соңғы жаңалықтар
Соңғы жаңалықтар

Ұлттық банк Назарбаев портреті бейнеленген 20 000 теңгелік банкноттарды шығарады

Қазақстан Ұлттық Банкі Қазақстан Республикасы Тәуелсіздігінің 30 жылдығына арналған номиналы 20 000 теңгелік мерейтойлық банкнотты айналысқа шығарады, деп хабарлайды Stan.kz ақпарат агенттігі банктің баспасөз қызметіне сілтеме жасап. Банкнотта Назарбаевтың портреті тұрады.

банкнот назарбаев

Банк мәліметінше, мерейтойлық банкноттың дизайны бірегей технология бойынша дайындалған. Банкноттың тігінен орналасқан және номиналдың голографикалық бейнесін, Тәуелсіздіктің 30 жылдығына арналған логотипті және Мемлекет басшысы Қ.К. Тоқаевтың факсимилесін қамтыған металсыздандырылған жолақ әлемде алғаш рет қолданылды.

Мерейтойлық банкноттың 27 қорғаныш элементі бар екені айтылады. Банкноттың дизайны айналыстағы ақша белгілерімен бірыңғай стильде жасалған: бет жағы негізінен тік бейнелерді, сыртқы жағы көлденең бейнелерді қамтиды. Банкнот басым түс – сұр түсте орындалған. Банкнот көлемі 155х79мм.

Банкноттың бет жағы

Бет жағындағы негізгі бейнелер – Қазақстан Республикасының Мемлекеттік рәміздері, Қазақстан Республикасының Тұңғыш Президенті – Елбасы Н.Ә. Назарбаев портретінің голографиялық бейнесі, Қазақстанның тәуелсіздігі мен мемлекеттілігінің нышаны ретінде "Қазақ Елі" монументі, "Мәңгілік Ел" салтанат қақпасы, қазақтардың дәстүрлі тұрғын үйі "Киіз үйді" безендіру желісі бойынша "Басқұр" – таспасындағы қазақтың ұлттық өрнегінің фрагменті.



Банкноттың сыртқы жағы

Сыртқы бетіндегі негізгі бейнелер – Қазақстан Республикасының Тұңғыш Президенті – Елбасы Н.Ә. Назарбаевтың портреті, Нұр-Сұлтан қаласының және Ақорда Президент резиденциясының панорамалық көрінісі, Қазақстан Республикасы Тәуелсіздігінің 30 жылдығын мерекеуге арналған логотип бейнесі.

Номиналы 20 000 теңгелік мерейтойлық банкнот Қазақстан Республикасының бүкіл аумағында төлемдердің барлық түрі бойынша нақты құны бойынша қабылдауға, сондай-ақ Қазақстан Республикасының барлық банктерінде банктік шоттарда аударуға, ұсақтауға және айырбастауға міндетті.

Айта кетейік, Елбасының портреті бар номиналы 10 000 теңгелік алғашқы мерейтойлық банкнот 2016 жылы шығарылған және Қазақстан Республикасы Тәуелсіздігінің 25 жылдығына орайластырылған еді.

Талқылау
Пікір
Қазір оқып жатыр
Çàãðóçêà...
Қазір оқып жатыр