Wildberries компаниясы қазақстандық кәсіпкерлерге өтемақы төлеуді бастады
18 маусымға қараған түні Ресейдің Электросталь қаласындағы Wildberries қоймасында ірі өрт шықты. Оқиғадан кейін зардап шеккен сатушыларға, оның ішінде қазақстандық кәсіпкерлерге өтемақы төлене бастады. Компанияның мәліметінше, алғашқы төлемдер ең алдымен шағын кәсіпкерлерге аударылып жатыр.
Компания мәліметінше, қазір Қазақстаннан тіркелген сатушылардың саны 120 мыңнан асады.
Компания ең алдымен шағын және қолдауды көбірек қажет ететін кәсіпкерлерге басымдық берген. Мұндай сатушылардың саны 88 мыңнан асады. Олардың айтуынша, өтемақы бір тәулік ішінде сатушылардың жеке балансына түседі.
Сонымен қатар компания тауарларды қоймадан шығару қызметінің жұмысы да алдағы бір тәулікте толық қалыпқа келетінін мәлімдеді. Қазір негізгі күш-жігер тауарларды қоймалар арасында қайта бөліп, логистикалық процестерді тұрақтандыруға бағытталған.
“Біздің басты міндетіміз – серіктестерге қолдау көрсету. Қазір барлық ұйымдастыру жұмыстары тауарларды қоймалар арасында тиімді қайта орналастыруға және кәсіпкерлердің тұрақты жұмысын қамтамасыз етуге бағытталған. Сонымен бірге сатып алушылардың тапсырыстарын уақытылы жеткізу де басымдықтардың бірі болып қала береді”, – деп хабарлады компания.
Компания өкілдерінің сөзінше, қолға алынған шаралар кәсіпкерлердің шығынын азайтып, платформадағы сауда процесін қысқа мерзімде қалыпты режимге қайтаруға мүмкіндік береді.
"Өзімізді дәлелдедік": Олимпиадада жүлделі орын алған таэквондошылар Қазақстанға оралды
Спортшыларымыз жай келмей, жүлделі орындармен оралды
Қазақстандық әйел жалға алушыны пәтерінен шығара алмай, сотқа берген: Алайда сот қараудан бас тартты
Пәтер иесі: "Жалдау шартын бұзылған деп тану және жалға алушыны пәтерден шығаруды міндеттеу талабым "кәмелетке толмағандардың істері жөніндегі сотқа жүгіну керек" деген негізбен бас тартылды"