AAPL
157.87 $
2.85 %
TSLA
1096.38 $
0.68 %
NDAQ
208.7 $
-0.59 %
GOOGL
2996.77 $
1.21 %
FB
338.69 $
-0.61 %
FRHC
70.79 $
-0.21 %
AAPL
157.87 $
2.85 %
TSLA
1096.38 $
0.68 %
NDAQ
208.7 $
-0.59 %
GOOGL
2996.77 $
1.21 %
FB
338.69 $
-0.61 %
FRHC
70.79 $
-0.21 %
Соңғы жаңалықтар
Соңғы жаңалықтар

"Үйден қашып кеттім": Жарқынай Ханайым елге қалай оралғанын айтты

Жарқынай Ханайым – Өзбекстанда дүниеге келген бір үйдің жалғыз қызы. Бүгінде туған жерін бетіне басатын хейтерлер көп болғанымен, ол Отанға оралуды ес білгелі армандапты. Тіпті бұл арманына жету үшін ештеңеден тайсалмай, үйінен қашып кеткенін айтады. Бұл туралы өнер иесі Hit-TV арнасының "Менің өмірім" бағдарламасында айтты, деп хабарлайды Stan.kz ақпарат агенттігі. 

"Әке-шешемнің көзінің қарасы, әрі ұлы, әрі қызымын. Кішкентай кезімнен өз Отаныма барсам екен, ұрыссам да, талассам да, өз қазақтарыммен бірге болсам екен деген ой келетін. Бәрібір жат жерде жүргенім сезілетін. Ес білгелі "Қазақстанға кетемін" дейтінмін. Әке-шешем "әлі кішкентайсың, қоя тұр, көшпейміз, оқуға барасың" деп тоқтатып келді.

Бір үйдің жалғыз қызы болғандықтан, анам жаман жолға түсіп кетпесін деп түске дейін орта мектепке, түстен кейін музыкалық мектепке берді. Бітіргеннен кейін, Қазақстанға кетем дегенімде де рұқсат бермеді.

"10-11 сыныпты оқы, содан кейін рұқсат береміз" деді. Сөйтіп құжаттарым мен чемоданымды алдым. Әке-шешем ақшаны жасырмайтын, керісінше ақшаны ұстап үйренсін деп маған беріп қоятын. Теңге мен сомды қалтаға салып, әжеме кіріп, батасын алдым. 

- Қайда бара жатырсың?
- Оқуға, Шымкентке. 
- Ойбай, әке-шешең біле ма?
- Жоқ, білмейді. Оларға хат жазып кеттім, – дедім. Осылай жүрек жұтып, үйден Қазақстанға қашып кеттім. Қазірге дейін не деген жүрек деп өзім таңғаламын. 



Әке-шешем қатал емес еді. Айтсам, түсіндірсем, жыласам, көндіруге де болатын еді. Экзамен тапсырып жүргенде шешем күйіп-пісіп артымнан келді", – деп бөлісті Жарқынай.

Әнші Шымкент қаласындағы музыкалық колледжге оқуға тапсырып, ақырында мақсатына жеткен. Ал ата-анасы Жарқынайдың артынан көшіп келген. Жарқынайдың әке-шешесіне деген ризашылығы шексіз. Ол туғандарын көпшілікке неге көрсетпейтінін түсіндіріп, көзіне жас алды. 

"Ол кісілер туралы өте көп айтқым келеді. Инстаграмда қысқаша айта салатын кісілер емес. Үлкен концерт қоямын, әке-шешем алдыңғы қатарда отырады.Үлкен экранда видео дайындап, халыққа таныстырамын деп армандайтынмын. Бәрі: "Әке-шешеңізден ұяласыз ба? Неге көрсетпейсіз?" – дейді.

Ондай емес. Біріншіден, әке-шешем – қарапайым адамдар. Жұмыс орнында ыңғайсыз болмас үшін "салмай-ақ қойшы" дейді. Бірақ мен әке-шешеммен мақтанамын", – деді Жарқынай. 

Талқылау
Пікір
Қазір оқып жатыр
Çàãðóçêà...
Қазір оқып жатыр