Түркістан облысында үш экс полицей 18 жастағы қызды зорлады деп айыпталды: Полиция істі тексереді
Түркістан қаласының 18 жастағы тұрғынының арызы бойынша жыныстық қатынасқа мәжбүрлеу фактісімен қылмыстық іс қозғалды. Бұл туралы Stan.kz ақпарат агенттігі хабарлайды.
Әлеуметтік желіде Түркістан облысында қызмет атқарған үш полиция қызметкеріне қатысты ауыр қылмыс жөнінде ақпарат тарады. Желіде жарияланған мәліметке сәйкес, полицейлер зорлау дерегі бойынша күдікке ілініп, қызметтен бірден босатылған.
Редакция бұған қатысты ішкі істер министрлігінің ресми өкілі Шыңғыс Әлекешевтен жауап алды.
"Түркістан қаласының 18 жастағы тұрғынының арызы негізінде жыныстық қатынасқа мәжбүрлеу дерегі бойынша қылмыстық іс қозғалды. Қазір бұрынғы полиция қызметкерлерінің аталған оқиғаға ықтимал қатыстылығы толық көлемде тексеріліп, сотқа дейінгі тергеп-тексеру аясында принципті құқықтық баға беріледі", – деп пікір білдірді Шыңғыс Әлекешев.
Министрліктің мәліметінше, жүргізілген қызметтік тексеруден соң аталған қызметкерлер ішкі істер органдарынан теріс себептермен, яғни қызметтік беделге нұқсан келтіргені үшін жұмыстан босатылды.
"Қазір оқиғаның барлық мән-жайын жан-жақты, толық әрі объективті анықтауға бағытталған қажет тергеу әрекеттерінің кешені жүргізілуде. Тергеу барысы ішкі істер министрінің ерекше бақылауында", – деп түсіндірді министрлік өкілі.
Ұстазының жетекшілігімен цирк әлеміне келген қазақстандық егіз Cirque du Soleil-де өнер көрсетеді
Алексей: "Cirque du Soleil-ге өтінім жіберіп, жауабын 4 жыл күттік"
"Түрлі тағам пісіремін, өкшелі аяқкиім киіп, саяхаттаймын": Желіде боянғанын көрсеткен 90 жастағы қазақстандық әже жұртты сүйсіндірді
Күнсара әже: "10-15 күн сайын моншаға барып, көп кітап оқып, әдемі жүргенді ұнатамын”