Түркістан облысында дәмханаға барған 58 адам жаппай уланып қалды
Түркістан облысының Кентау қаласында дәмханаға барған 58 адам жаппай уланып қалды. Бұл туралы Stan.kz ақпарат агенттігі ҚазАқпарат-қа сілтеме жасап хабарлайды.
Зардап шеккендердің барлығына тамақтан улану диагнозы қойылған. Оның 20-дан астамы 14 жасқа дейінгі балалар болған. 18-і ересек пен екі жүкті әйел де бар. Барлық науқас 58 адам да өз ауруын "Ризик Раяна" дәмханасында тамақтанумен байланыстырады.
"Жоспардан тыс тексеру жүргізіліп, нысанның қызметі тоқтатылды. Қылмыстық іс қозғалды. Науқастардан, қызметкерлерден, тамақтан зертханалық зерттеу қаралды. Тексеруге облыстық санитарлық-эпидемиологиялық қадағалау департаментінің мамандары тартылды. Науқастардың жағдайы орташа ауыр", - деді бас мемлекеттік санитарлық дәрігер Айжан Есмағамбетова.
Қазір зардап шеккендер Кентау қалалық орталық ауруханасының жұқпалы аурулар бөлімінде ем қабылдап жатыр.
Қазақстандыққа Қытайда адам өліміне кінәлі деген айып тағылды: Күдіктінің өзі шабуыл жасағандардан қорғанғанын айтып отыр
Отбасы: "Қазақ қызының намысын қорғау үшін басталған оқиға адам өлімімен аяқталып отыр"
"5 жастағы баланы даярлық сыныбына да, балабақшаға да алмайды": Қазақстандық ата-ана білім беру жүйесіндегі қайшылыққа наразы
Ата-ана: "Балабақша қалдырмайды, даярлық сынып қабылдамайды"