Түркістан облысында 12 жастағы қыз бала суға батып кетті
Қайғылы оқиға Түркістан облысындағы Абай ауылында болған. 12 жастағы қыз бала канал суына батып кеткен. Бұл туралы Stan.kz ақпарат агенттігі Otyrar.kz порталына сілтеме жасап хабарлайды.
8 мамырда шамамен күндізгі бесте мектеп оқушысы Ошақты каналына құлап кетіп, өзі шыға алмаған. Қайғылы жайт құрбысының көз алдында болған.
Куәгердің айтуынша, қыз бала ойнап жүріп абайсызда каналға құлап кеткен. Мүрдесін оқиға орнынан 5 шақырым жерден тапқан.
"Ол құрбысымен серуендеп жүріп, байқаусызда каналға құлап кеткен. Суға батып кеткен қыз баланы іздестіруге ТЖД-ның – 6, полицияның – 8, жергілікті атқарушы органдардың 4 қызметкері жұмылдырылып, 12 туысы атсалысты. Іздеу жұмыстары барысында Ошақты каналындағы су уақытша тоқтатылды. Қыздың мүрдесі 21.20 табылды", – дейді Келес аудандық Төтенше жағдайлар бөлімінің аға инженері Шыңғысхан Уатбаев.
Шымкентте әйелін аяусыз соққыға жыққан ер адам тек 25 күнге қамалды
Шымкентте әйелін соққыға жыққан ер адам 25 күнге сотталды
"Ауруханаға өз аяғымен кіріп, табытпен шықты": Қызылордалық ер адам анасының өліміне дәрігерлерді айыптады
Іс бойынша реаниматолог, нейрохирург, кардиолог және учаскелік дәрігердің әрекеттеріне қатысты күдік бар