Төрт елдің басшылары Газада атысты тоқтату туралы келісімге қол қойды
Видеодан скрин
АҚШ, Мысыр, Қатар және Түркия басшылары Шарм-эль-Шейхтегі бейбітшілік саммитінде Газа секторында атысты тоқтату туралы келісімге қол қойды. Бұл туралы Stan.kz ақпарат агенттігі Fox News басылымына сілтеме жасап хабарлайды.
АҚШ президенті Дональд Трамп өзінің үшінші дүниежүзілік соғыстың алдын алғанын мәлімдеді.
“Үнемі үшінші дүниежүзілік соғыс Таяу Шығыста басталатыны туралы айтылатын еді. Бірақ соғыс болмайды”, – деді Дональд Трамп.
Саммитке барлығы 19 мемлекет пен мемлекет басшылары қатысты. Алайда Израиль мен ХАМАС келісімге қол қою процесіне қатысқан жоқ.
Еске салсақ, осыған дейін Израиль мен палестиналық тарап тұтқындар мен кепілге алынғандарды босату жөніндегі келісімнің негізгі тармақтарын орындауға кіріскенін жазғанбыз.
Президент Қасым-Жомарт Тоқаев Израиль мен ХАМАС арасындағы атысты тоқтату жөніндегі келісімге қол жеткізілуіне байланысты АҚШ президенті Дональд Трампты көрнекті дипломатиялық жеңісімен құттықтаған еді.
"Мінбердегі тартыс 7 сағатқа созылды": Нұрлан Оразалин Егемендік декларациясының қалай қабылданғанын айтып берді
Нұрлан Оразалин Қазақ КСР Жоғарғы Кеңесінің XII шақырылымының депутаты болған әрі осы тарихи құжатты әзірлеуге тікелей қатысқан
Республика күні мен Тәуелсіздік күні неге екі бөлек атап өтіледі
Саясаттанушы: "Көп жыл бойы "Неліктен 25 қазанның маңызын екінші орынға ысырып қоямыз?" деген мәселе көтерілді"