Тоқаев Майра Мұхамедқызы, Самал Еслямова, Нұрлан Өнербаевтарды мемлекеттік наградалармен марапаттады
Республика күні қарсаңында президент жарлығымен бір топ азамат мемлекеттік наградалармен марапатталды. Бұл туралы Stan.kz ақпарат агенттігі хабарлайды.
Фото: Жеке парақшалардан алынды
Марапатталған азаматтар қатарында өнер қайраткерлері де бар.
“Қазақстанның халық әртісі" құрметті атағы еліміздің көрнекті мәдениет қайраткерлері: театр және кино актерлері К.Жұмабековке, Л.Кәденге, О.Коржеваға, И.Лебсакқа, Р.Махпироваға, Г.Шынтемірге және Ә.Ыдырышевқа, опера әншілері М.Мұхамедқызы мен Ж.Баспақоваға, дирижер А.Мұхитдинов пен күйші С.Тұрысбекке, сондай-ақ белгілі әнші М.Ілиясоваға берілді", – делінген хабарламада.
Одан кейін мемлекет басшысы “Барыс” пен “Парасат” ордендерін де шоу-бизнес жұлдыздарының кеудесіне тақты.
“М.Әуезов атындағы Қазақ ұлттық драма театрының актрисасы Д.Темірсұлтанова "Парасат" орденінің иегері атанды.
І дәрежелі "Барыс" ордені Р.Бағланова атындағы "Қазақконцерт" мемлекеттік академиялық концерттік ұйымының әртісі Н.Өнербайға табысталды.
Астана қалалық Жас көрермендер театрының актрисасы С.Еслямова, скрипкашы Ж.Серкебаева "Құрмет" орденімен марапатталды.
Еске салайық, Тоқаев ақын-жазушыларды Абай атындағы әдебиет пен өнер саласындағы сыйлықпен марапаттаған еді.