Таразда 43 жастағы әйел азаматтық некедегі күйеуін пышақтап өлтірді
Таразда 43 жастағы әйел күйеуін пышақтап өлтірді. Сүйген жарына суық қару жұмсаған күдікті кінәсін толық мойындап, қамауға алынды, деп хабарлайды Stan.kz ақпарат агенттігі “КТК” арнасына сілтеме жасап.
Қайғылы жағдай күндізгі сағат бес шамасында қаланың шалғай аудандарының бірінде болған. Полицейлерге түрлі дене жарақатын алған азаматтың ауруханаға жеткізілгені бойынша хабар түскен. Оның жағдайы ауыр болса керек. Бірден жансақтау бөліміне жатқызылып, сол жерде есін жимастан жан тапсырды.
Бейресми мәліметтерге сүйенсек, 47 жастағы қала тұрғынын азаматтық некедегі әйелі пышақтап өлтірген. Оның неліктен мұндай қадамға барғаны белгісіз.
"Ол кінәсін толық мойындап уақытша ұстау изоляторына қамалды. Күдікті бұрын сотты болмаған. Қазір аталған дерекке қатысты ҚР ҚК 99-бабы, 1-бөлігімен сотқа дейінгі тергеу жүргізіліп жатыр. Әйелі күйеуін өлтіріп тастады", – дейді Жамбыл облысы ПД баспасөз хатшысы Гүлсара Мұхтарқұлова.
Қазақстандық әйел топтық зорлаудан кейін 17 жасында бала туған: Ол америкалық ата-ана асырап алған қызын іздеп жүр
Кезінде топтық зорлыққа ұшыраған Наталья Қалымбетова 30 жылдан кейін жан сырын ақтарды
Қазақстандыққа Қытайда адам өліміне кінәлі деген айып тағылды: Күдіктінің өзі шабуыл жасағандардан қорғанғанын айтып отыр
Отбасы: "Қазақ қызының намысын қорғау үшін басталған оқиға адам өлімімен аяқталып отыр"