Талдықорғанның тәртіп сақшылары өздерін мысқылдаған тұрғынмен соттаспайтын болды
Талдықорғанда тәртіп сақшыларын мысқылдаған тұрғынға қатысты сот басталмай жатып аяқталды. Елдерхан Шұратбаевтың үстінен шағымданған Алматы облысының Ішкі істер департаментінің өкілдері райынан қайтты, – деп хабарлайды КТК арнасы.
Қызыл жағалылар оның әлеуметтік желіге жариялаған жазбасына қатты ашуланған еді. Өйткені ол парақшасына жол бойындағы дәмхана жанында тұрған полицейдің видеосын салып, ойын мысқылмен жеткізді. Сондағысы: “Назар аударыңыздар! Қапшағайда самса мен сексеуіл сататын жаңа автокафе ашылды. Қызметкерлері де полиция секілді киінген.
Қолдарындағы радармен көліктегі адамдардың қарны аш келе жатқанын біледі. Керемет! Алматы облысының полицейлері, жарайсыңдар!” делінген. Бұл жазбаға бола департамент шала бүлінген болатын. Десе де, көп ұзамай шағымдарын қайтып алыпты. Олардың неліктен соттасудан бас тартқанын әзірге ешкім түсіндіріп бере алмады.
"Үйді тіреп тұрған жерге құрылыс бастады": Алматыдағы "Три богатыря" тұрғындары баспаналары құлап қала ма деп алаңдаулы
Әкімдік құрылыс жұмыстарын уақытша тоқтатты
"Өлім аузынан қалдық": Түркістан облысында су басқан ауыл тұрғындары мал-мүлкінің көз алдында ағып кеткенін айтты
Бұл жолы нөсер небәрі жарты сағатқа ұласқан. Соның өзінде топан су қора-қопсыны қиратып, үй қоршауының түгін қалдырмай құлатып тастаған