Таиландта қазақстандық турист саяхатының алғашқы күнінде көз жұмды
31 шілде түстен кейін Таиландтағы Карон жағажайында болған апаттан Қазақстан азаматы қаза тапты. Пхукетке жақында ғана келген ер адам суға батып кеткен. Бұл туралы Stan.kz ақпарат агенттігі Novostiphuketa сайтына сілтеме жасап хабарлайды.
57 жастағы қазақстандық турист Евгений Сапогов қонақүйінің жанындағы теңізге батып кетті. Пхукетке келгеннен кейін ер адам 60 күн жүруге рұқсат алған, бірақ оның бірінші күнінде мерт болды.
Сол күні түске дейін Патонгта ағын суға батқан екі қытай азаматының біреуі қаза тапты. Марқұм 52 жастағы Че Ка Фай Энди екені анықталды. Ол 15 жасар ұлымен суға шомылып, қауіпсіз аймақта суға түскен, бірақ кейін қызыл жалаулармен белгіленген аймаққа өтіп кеткен.
Жасөспірім тірі қалғанымен, әкесі суға тұншығып, қаза тапты.
Еске салсақ, Таиланд қазақстандықтар үшін 60 күндік визасыз режим енгізген еді.
Осыдан 1,5 жыл бұрын қазақстандық танымал әнші Darkhan Juzz де Пхукет аралында көз жұмды.
"Жалаңаштанып айға қарап, рәсім жасайды": Батыс Қазақстандағы бір ауылдың тағдырын жат ағым қалай өзгертті?
Мадхалиттердің 4-5 жыл бұрын депутаттық корпусқа үміткер болуға талпынғандары да болды
"Саябақтарда қонып жүрмін": 21 жастағы қазақстандық балалар үйінің түлегі далада қалды
Жетім балалар неге кәмелетке толған соң көше кезіп қалады?