Су тасқыны салдарынан жабылған республикалық жолдар саны көбейді
"ҚазАвтоЖол" ҰК су тасқыны салдарынан жабылған республикалық маңызы бар автожолдар санының артқанын мәлімдеді. Бұл туралы Stan.kz ақпарат агенттігі хабарлайды.
Фото Қазавтожол
9 сәуір күнгі жағдай бойынша, күннің күрт жылуы мен қардың қарқынды еруіне байланысты төрт облыстағы (Ақмола, Атырау, Қостанай, Солтүстік Қазақстан) халықаралық және республикалық маңызы бар автожолдардың жалпы ұзындығы 3 730 метр болатын бөлігі жабылды.
"Алты облыстағы (Ақтөбе, Ақмола, Атырау, Қостанай, Павлодар, Солтүстік Қазақстан) ұзындығы 731 шақырым болатын республикалық маңызы бар 15 тас жолдағы жол қозғалысына шектеу қойылды. Қазір республикалық жолдарға 475 бірлік техника мен 548 адам жұмылдырылды", – деп мәлімдеді "Қазавтожол".
Бір күн бұрын, Қазақстанның алты облысында 673 шақырым қашықтықта халықаралық және республикалық маңызы бар 13 жол жабылған еді.
Қаскелеңдегі атышулы құпия ит сою орны мен ет тасымалы: Істің 1 жылдан кейін тоқтатылғаны белгілі болды
Мина Исмаилова: "Сою орны әлі күнге дейін жұмысын жалғастырып жатқанына сенімдімін"
"Қол қусырып тұра алмадым": Алматылық әке 1 жастағы көршісінің баласын қалай аман алып қалғанын айтып берді
Әкенің айтуынша, балаларына анасының өмірден өткенін түсіндіру де оңай болмаған