Шотландиялық хоккейші Ибицада қайғылы жағдайдан қаза тапты
Шотландиялық 19 жастағы хоккейші Гэри Келли Ибицада демалыс кезінде қонақүйдің балконынан құлап, көз жұмды. Бұл туралы Stan.kz ақпарат агенттігі The Standart порталына сілтеме жасап хабарлайды.
Оқиға орнында жедел жәрдем қызметі шақырылғанымен, дәрігерлер спортшыны аман алып қала алмады. Құқық қорғау органдарының мәліметінше, бақылау камераларының жазбалары бұл оқиғаның жазатайым жағдай екенін көрсеткен.
Басылым мәліметінше, екі апта бұрын дәл осындай жағдайда Келлидің отандасы Эван Томсон да көз жұмған. Қауіпсіздік шараларына байланысты сынға ұшыраған қонақүй басшылығы барлық ойын-сауық шараларын тоқтатқанын мәлімдеді.
Гэри Келли Шотландияның ұлттық лигасында өнер көрсетіп, "Данди Рокетс", "Абердин Линкс" және "Данди Старз" командаларының құрамында ойнаған. Өткен маусымда ол 13 матч өткізіп, 17 (10+7) ұпай жинаған.
Сарапшылар авиаотын бағасы түскенде әуе билеттері арзандайтынына күмән келтірді
Энергетика министрлігі отын бағасын 940 долларға дейін түсіргенін мәлімдеген
"3,8 миллиард теңге бөлген": "Қызылжар" ФК олигарх Сергей Канның жекеменшігіне өтсе де, мемлекеттен қаржы алуын тоқтатпады
Спорт басқармасы: "2026-2028 жылдары мемлекеттік қаржыландыруды кезең-кезеңімен азайту жоспарланған"