"Қазір ол қайда? Жекпе-жектен кейін ол маған не істеді?": "Канело" үшінші кездесу туралы сұраққа жауап берді
Бокстан орта салмақта әлем чемпионы Сауль "Канело" Альварес Генадий Головкинмен үшінші кездесу өткізуге қатысты сауалдарға жауап берді, деп хабарлайды Stan.kz ақпарат агенттігі "Чемпионат" сайтына сілтеме жасап.
Канело Головкинді ұлы боксшы деп атады
"Мен барлығына дайынмын. Үздік жекпе-жектер өткізуге дайынмын. Сендер, журналистер, тек үшінші кездесуді ғана сұрайсыңдар. Мен одан да маңызды істермен шұғылданып жатырмын. Ол қазір қайда? Жекпе-жектен кейін ол маған не істеді? Ештеңе.
Мен бұған уақыт жұмсай алмаймын. Мансабымдағы маңызды нәрселермен айналысып жатырмын. Чемпиондарды, ешқашан жеңілмеген боксшыларды жеңудемін", – деп айтты Канело.
Айта кетейік, Альварес 6 қарашада Калеба Плантаға қарсы жекпе-жек өткізіп, әлемнің абсолютті чемпионы атағына таласады. Бұған дейін Канело мен Генадий Головкин екі кездесу өткізген.
"TikTok арқылы жарын жолықтырып, заңгерден әншілікке өткен": Желіде танымал болған қазақстандықтар қалай жетістікке жеткенін айтып берді
Рамазан айы басталып, Ұлттық қордан балаларға ақша түседі: Ақпаннан бастап Қазақстанда қандай өзгерістер болады?
Отбасы банк тұрғын үй кезегінде тұрған азаматтарға қатысты талаптарды жұмсартты