Нүкенованың өліміне бұрынғы бас жарақаттарының қатысы бар ма – Сот-медициналық сарапшысы жауап берді
Жауап алу кезінде Бишімбаевтың адвокаттары сот-медициналық сарапшыдан Нүкенованың бұған дейін басынан жарақат алған-алмағанын біліп, оның өліміне алған жарақаттары әсер етті деп болжам жасап отыр. Бұл туралы Stan.kz ақпарат агенттігі хабарлайды.
Фото видеокадрдан алынған
Сот-медициналық сарапшы Тахир Халимназаров мәйітті зерттеу кезінде екі сарапшы жұмыс істегенін және олар бұған дейін қан кету процесіне тән ерекшеліктердің немесе сараптамалардың болмағанын айтты.
"Бұл қиын емес. Мұны кез келген сарапшы байқайтын еді. Сарапшылар жедел субдуральды гематома деп анықтады, яғни жаңа сараптама жасады. Ешкім бұған дейін болған процесс туралы айтып тұрған жоқ. Бұл гистологиялық негіз, сондықтан оны микроскоппен ғана көруге болады. Созылмалы субдуральды гематоманың жетіспеушілігі байқалады. Созылмалы субдуральды гематома – ол капсуламен жабылады. Алайда мәйітті зерттеу кезінде сарапшылар капсулалар жоқ екенін нақты жазды. Иә, 3-4 апта бұрын микроскоппен көруге мүмкін болса да, жарақатты көруге болатын еді. Қайткен күнде де мұның ауыр бас жарақаты екенін айтуға болады. Бірақ оның клиникалық көріністері де, маңызы да, қазіргі жарақатпен себеп-салдарлық байланысы да жоқ", – деді сот-медициналық сарапшысы Тахир Халимназаров.
Сонымен қатар бұған дейін сарапшы мұндай жарақаттармен өлім аузында жатқан адамның көмек сұрай алмайтынын, өйткені ол ауыр жарақаттардың салдарынан қимылсыз жатып, дел-сал күйде болатынын айтты.
Еске салайық, әйелін өлтірді деп айыпталған экс-министр Қуандық Бишімбаевтың сотында марқұм Салтанат Нүкенова қандай жарақат алғанын түсіндіру үшін сот-медициналық сарапшы Тахир Халимназаров куәгер болғаны туралы жаздық. Маманның сөзінше, марқұмның бетіне шамамен 13-14 рет соққы жасалған.