Солтүстік Қазақстан облысында бала мен оны құтқармақ болған өгей әкесі суға батып кетті
Солтүстік Қазақстанда ер адам суға батып бара жатқан өгей ұлын құтқарамын деп, өзі де суға кетті, деп хабарлайды Stan.kz ақпарат агенттігі.
"10 шілдеде Қызылжар ауданындағы Новоникольское ауылынан 3 шақырым жерде жергілікті тұрғындар Есіл өзеніне батып кеткен 1998 жылы туған ер адамның жансыз денесін судан шығарды. Ер адам 6 жасар өгей ұлын құтқармақ болған. Олар суға түсуге тыйым салынған жерде шомылған. Құтқарушылар баланың денесін келесі күні тапты", – делінген облыстық ТЖД баспасөз қызметінің хабарламасында.
Сол күні Есіл өзенінде Түркістан облысының 20 жастағы тұрғынын іздестіру жұмыстары жүргізілді.
"Ол 9 шілде күні кешке достарымен бірге өзен жағасында болған, кейін белгісіз жағдайда жоғалып кеткен. Құтқарушылар мәйітті судан шығарып, сот-медициналық сараптамаға жіберді. Өлімнің себебі анықталуда", – деп хабарлады төтенше жағдайлар департаменті.
"Әкеңіз сізге керек болмаған соң, қайтыс болды": Қазақстандықтар психологтардан қалай зардап шеккендерін айтты
Stan.kz тілшісі “психологсымақтардың” салдарынан зардап шеккендердің оқиғасын бөлісе отырып, психолог таңдауда не нәрсеге мән беру керек екенін анықтады
Өрт сөндіргіш, дәрі қобдишасы, апат белгісі: 2026 жылы Қазақстанда көлікте қандай заттар болуы керек
Мопедте болуы керек құжаттар тізімі де аталды