"Сириядағы террористік ұйымды қаржыландырған": Астанада 8 адам сотталды
Сот үкімімен Астананың 8 тұрғыны террористік қызметпен айналысқаны үшін 7 жылдан 20 жылға дейін бас бостандығынан айырылды. Бұл туралы Stan.kz ақпарат агенттігі хабарлайды.
Фото: e1.ru
Прокуратураның мәліметінше, террористік топтың мүшелері Сирия аумағына қоныс аударуды және Қазақстанда басқарудың теократиялық жүйесін орнату қажеттілігін талқылаған.
Сондай-ақ топтың жетекшісі Сирияда соғыс қимылдарын жүргізетін террористік ұйымды қаржыландыруды ұйымдастырған.
Атырау облысында оқушы мектептерге террористік шабуыл жасалады деп қорқытқан
“Мемлекеттік айыптаушымен сотталушылардың кінәсі дәлелденді. Астана қаласының прокуратурасы исламдағы радикал идеяларды насихаттайтын интернет-сайттар мен орындарға барудан сақтануға шақырады”, – делінген хабарламада.
Сот үкімі заңды күшіне енді.
Еске салсақ, бұған дейін Шымкент тұрғынының TikTok желісінде "терроризмді насихаттады" деген айыппен жеті жылға сотталғаны туралы жазған едік.