Шымкентте күзетші қыз екі бұзақыны ұрып жөнге салды (видео)
Шымкентте көңіл көтеру орнында отырған екі жас жігіт есеп-шотты төлеуге қарсылық танытқан. Осылайша клиент пен мекеме әкімшілігі арасында дау басталады.
Бұл туралы TVK хабарлайды.
Ақыры жанжал ұзаққа созылып бара жатқан соң іске нәзік жанды күзетші араласқан. Ол жігіттердің далаға шығуларын сұраған.
Қыз жекпе-жек түрінен арнайы разрядқа ие екен. Екі тарап арасында төбелес болып, ақыры екі жігіт қыздан таяқ жеп қалады. Екеуінің де беттері әбден жарақаттанып, біреуінің жейдесі қызыл қанға боялған. Қыздың тек аздап еріні жырылып кеткен.
Қыз екі жігітпен ешқандай сыртқы көмексіз есеп айырысқанын айтқан. Ал зардап шегушілер қызға басқа күзетшілер де көмектесті деп шағым білдіріпті. Оқиға орынына келген полицейлер істің анық-қанығын тексеріп жатыр.
"Үйді тіреп тұрған жерге құрылыс бастады": Алматыдағы "Три богатыря" тұрғындары баспаналары құлап қала ма деп алаңдаулы
Әкімдік құрылыс жұмыстарын уақытша тоқтатты
"Өлім аузынан қалдық": Түркістан облысында су басқан ауыл тұрғындары мал-мүлкінің көз алдында ағып кеткенін айтты
Бұл жолы нөсер небәрі жарты сағатқа ұласқан. Соның өзінде топан су қора-қопсыны қиратып, үй қоршауының түгін қалдырмай құлатып тастаған