Шымкент мектебінде дене шынықтыру пәнінің мұғалімі қаза тапты
Шымкенттегі мектептердің бірінде дәнекерлеу жұмыстарын жүргізу кезінде жарылыс болып, салдарынан мұғалім қаза болды.
Бұл туралы Оңтүстік Қазақстан облысы ішкі істер департаментінің баспасөз қызметі хабарлайды.
26 ақпан, жексенбі күні күндіз, полиция қызметкерлеріне дәрігерлерге ауыр хәлде ер адамның түскені хабарланған. 1982 жылы туған зардап шегушіні арқасындағы жарақаттармен жеткізген. Кейіннен ер адам есін жимай көз жұмды. “Тексеру кезінде жәбірленушінің мектепте дәнекерлеу жұмыстары кезінде орын алған жарылыс салдарынан зардап шеккені анықталды. Ол мектеп мұғалімі болып жұмыс істеген”, — деп хабарлады полицияда.
Аталған дерек Абай аудандық ішкі істер басқармасының сотқа дейінгі тергеудің бірыңғай тізілімінде ҚР ҚК-нің 156-бабы 3-бөлімі “Еңбекті қорғау ережелерін бұзу” бойынша тіркелді. Сот-медициналық сараптама тағайындалды.
Жіберіп алмаңыз:
Өскеменде анасы 2 жасар баласын өртеніп жатқан үйде ұмытып кеткен
20 жастағы қандықол жас баланың етін жеп жатқан сәтте ұсталды (фото)
Ақмола облысы тұрғыны адам өлтіріп, денесін қоқысқа тастай салған