ШҚО-да ірі жол апаты болып, 5 адам қаза тапты
Шығыс Қазақстан облысында ірі жол апаты болып, бес адам қаза тапты. Бұл туралы Stan.kz ақпарат агенттігі хабарлайды.
Полицияның мәліметінше, жол апаты 4 қараша күні Өскемен – Риддер тасжолында болған. ЗИЛ жүк көлігі мен Toyota Estima автокөлігі соқтығысқан.
“Оқиға салдарынан 5 адам жан тапсырып, 1 адам жарақат алып, ауруханаға жеткізілді. Бұл дерек бойынша сотқа дейінгі тергеу басталды. Қаза тапқандардың жеке басы мен оқиғаның барлық мән-жайы анықталуда”, – делінген полиция хабарламасында.
Қазақстан жол апатынан қаза тапқандар саны бойынша әлемде алғашқы үштікке кірді
Полиция күз мезгілінде облыс жолдарында жиі тұман, көктайғақ және көріну қашықтығының шектелуі секілді қолайсыз ауа райы жағдайлары байқалатынын атап өтіп, жүргізушілерге ескерту жасады.
"Полиция жүргізушілерді жол қозғалысы ережелерін қатаң сақтауға, рұқсат етілген жылдамдықты асырмауға, ауа райы жағдайларын және техникалық қауіпсіздік талаптарын ескеруге шақырады”, – делінген хабарламада.
Еске салсақ, бұған дейін Ақтөбе облысында жантүршігерлік жол апатынан 12 адам мерт болғаны туралы жазған едік.
Рейхстагқа ту тіккен Рахымжан Қошқарбаев па, әлде тарихи шындық бұрмаланды ма?
“Ақиқат бәрін жеңеді, бірақ 50 жыл кешігіп жүреді" дейді тарихшы Болат Сайлан
"Жалаң қылышпен танктерге қарсы соғысқан": Екінші дүниежүзілік соғыс кезінде жойылып кеткен 106-ншы атты әскери дивизия туралы не білеміз
Дивизия құрамына алынатын жауынгерлерге "оқып-жаза алуы керек және орыс тілін білуі керек" деген талап қойылды