ШҚО-да ер адам қолын қатты қысып амандасқан танысын сүйменмен ұрып өлтірді
Глубокий ауылының тұрғыны өзінің ауылдасын сүйменмен ұрып тастаған. Алдын-ала деректер бойынша зардап шегуші күдіктімен амандасқан кезде қолын қатты қысқан. Осы жағдай төбелеске себепші болыпты.
Сурет u24.ru
Бұл туралы Өскемен Жаңалықтары хабарлайды.
Оқиға 16 маусым күні кешкі уақытта болған. Жергілікті бір топ тұрғын ащы судан ішеді. Солардың ішіндегі Жанат есімді жігіт 40 жастағы Андрейдің қолын әдейі қаттырақ қысады. Ал ол болса жігіттің бетінен ұрған. Жанат жауап ретінде қарсы ұмтылғанымен, жылыстап көзден таса болып кетеді.
Қолына сүймен алып оралған Андрей оның ізінен қуып береді. Жанатқа жетіп алған Андрей әуелі арқасынан, сосын басынан ұрған. Зардап шегуші басынан қатты жарақат алып, миы шайқалған. Тез арада ауруханаға жеткізілгенімен, екі күн өткен соң қайтыс болады.
Андрейді тәртіп сақшылары тұтқындап, уақытша тергеу изоляторына қамады. Қазіргі кезде тергеу жұмыстары жүріп жатыр.
Ұстазының жетекшілігімен цирк әлеміне келген қазақстандық егіз Cirque du Soleil-де өнер көрсетеді
Алексей: "Cirque du Soleil-ге өтінім жіберіп, жауабын 4 жыл күттік"
"Түрлі тағам пісіремін, өкшелі аяқкиім киіп, саяхаттаймын": Желіде боянғанын көрсеткен 90 жастағы қазақстандық әже жұртты сүйсіндірді
Күнсара әже: "10-15 күн сайын моншаға барып, көп кітап оқып, әдемі жүргенді ұнатамын”