Сейфуллин Жолбарыс әнші Бақыт Шадаеваның үйін тартып алған

Сейфуллин Жолбарыс әріптесі Бақыт Шадаеваның үйін алдау жолымен тартып алған. Әншінің сатуға қойылған үйіне кіріп алған ол, ақысын кейін төлеймін деп уәде берген. Алайда сол күйі сөзінде тұрмаған.

Бұл туралы Бақыт Шадаева «Ұнамаса қарама» бағдарламасында айтты.

Шадаева Сейфуллиннің атағы дүркіреп тұрған шағында оған ән жаздырғанын айтты. Ол сапалы туындыға қол жеткізу үшін аянып қалмағанын, әріптесінің жағдайын жасағанын айтты.

«Кезінде оның әндерін ұнатып, қаражатын төлеп, жағдайын жасадық. Аппараттарына дейін алып бердік. Кейін мен жаңа үйге көшкенде ол менің ескі үйімді сатып алуға ниет білдірді. Мен келістім», – деген Шадаева бұдан кейін сазгердің алдап кеткенін айтады.

Айтуынша, Сейфуллин Жолбарыс үйдің жарты ақшасын төлеп, қалған жартысына ән жазып беруге уәде берген. Алайда сөзінде тұрмаған. Тіпті, үйдің жарты ақшасын бермей қойыпты.

“Кейін бәрін жоққа шығарды. Тұмсығын көтеріп, «Сенен де асқан әншілерге ән жазамын» деп мені өкпелетіп қойды”, – дейді Бақыт Шадаева.

Тағы оқыңыз: 

Қазақстандық режиссер Иван Дорнға Африкада бейнебаян түсіріп берді (видео)

Айнұр Тұрсынбаева: Айдаладағы жезөкшелерді неге насихаттауым керек?

Оразбеков: Ерболат 91 тобын құрып, “Орданың” жұмысын тоқтатуды он жыл бұрын жоспарлаған

Баян Алагөзова қайын атасын сотқа бергендерге: Сіздің тәрбиеңіз үшін мен ұялып тұрмын