Семейдегі мектептердің бірінде сабақ кезінде төбедегі сылақ опырылып түсті
Семейдегі №43 орта мектеп ғимаратының төбе сылағының бір бөлігі опырылып түсті. Бұл туралы Stan.kz ақпарат агенттігі қалалық білім бөліміне сілтеме жасап хабарлайды.
Фото: Instagram / semey_city_
Оқиға 30 сәуір күні 10:20-да болған.
“Үшінші қабаттағы төбе сылағының 1 шаршы метрдей бөлігі опырылып түсті. Оқиға сабақ үстінде болды, жанында мұғалімдер бөлмесі бар. Көп ұзамай құлаған бөлік қоршауға алынып, тазаланды. Сабақ қалыпты режимде жалғасты. Құрбандар мен зардап шеккендер жоқ”, – деп хабарлады білім бөлімі.
Олар сылақ опырылған жерде жөндеу жұмыстары жасалды деп сендірді.
Ақпарат бойынша, мектеп 1936 жылы салынған, шатыры ағаштан жасалған.
Айта кетейік, оқу-ағарту министрі Ғани Бейсембаев мектеп түлектеріне үндеу жасады. Ол биылғы оқу жылы 25 мамырда аяқталатынын ескертті.
"Үйді тіреп тұрған жерге құрылыс бастады": Алматыдағы "Три богатыря" тұрғындары баспаналары құлап қала ма деп алаңдаулы
Әкімдік құрылыс жұмыстарын уақытша тоқтатты
"Өлім аузынан қалдық": Түркістан облысында су басқан ауыл тұрғындары мал-мүлкінің көз алдында ағып кеткенін айтты
Бұл жолы нөсер небәрі жарты сағатқа ұласқан. Соның өзінде топан су қора-қопсыны қиратып, үй қоршауының түгін қалдырмай құлатып тастаған