Астанадағы сауда орталығында қой жетектеген блогер қамауға алынды
Желіде қой жетектеп, сауда орталықтарын аралаған блогердің видеосы пайда болды. Оқиға Астана қаласында болған. Бұл туралы Stan.kz ақпарат агенттігі Астана полиция департаментінің баспасөз қызметіне сілтеме жасап хабарлайды.
Кадрдан оның қоймен бірге қоғамдық көлікке мінгенін де көруге болады.
“Блогердің әрекеті қоғамдық тәртіп бұзу болып тіркелді. Ол ҚР ӘҚБтК-нің 434-бабы "ұсақ бұзақылық" бойынша әкімшілік жауапкершілікке тартылып, бес тәулікке қамауға алынды. Бұдан басқа, оған ӘҚБтК – нің 434-2-бабы бойынша жалпы пайдалану орындарын ластағаны үшін бес АЕК мөлшерінде және ӘҚБтК-нің 407-1-бабының 1-бөлігі бойынша жануарларға қатыгездік көрсеткені үшін айыппұл салынды”, – делінген хабарламада.
Видеоны көрген жұрт: “Атың шықпаса жер өрте” дегеннің кейпі десе, енді бірі “Қойыңа қыстық киім іздедің бе?!” деп әзілдеп жатыр.
Алматылықтарға жер сілкінісінен қорғайтын арнайы "қауіпсіздік торы" ұсынылды
Құрылғының көлемі шамамен лифт кабинасындай болады және оған бір отбасы сыя алады
Топ чемпионатта ойнағым келеді, ал білім мен спортты қатар алып жүру маңызды қағидам — Әділет Садыбеков
Әділет Садыбеков – Чемпиондар лигасында гол соққан үшінші қазақ футболшысы