Прокуратура Қаңтар оқиғасы бойынша бұрынғы айыпталушылардан кешірім сұрады

Прокуратура Қаңтар оқиғасы бойынша бұрынғы айыпталушылардан кешірім сұрады. Бұл жөнінде Stan.kz ақпарат агенттігі құқық қорғаушы Бақытжан Төреғожинаның жазбасына сілтеме жасап хабарлайды.

“2022 жылы болған Қаңтар оқиғалары бойынша жәбірленушілердің құқықтары мен бостандықтарын қалай қалпына келтіруге болатыны туралы жауап алу үшін Алматы қаласының прокуратурасына үш рет бардым. Жәбірленушілердің құқықтарын кім қалпына келтіреді және кім олардан кешірім сұрайды, прокуратура ма, әлде полиция ма деген сұраққа Алматы қаласы прокурорының орынбасары Нұрлан Ауғанбаев: Біз деп жауап берді. Ал бүгін біз кешірім сұраған алғашқы төрт жауапты алдық: Д.Ғ.Абдусатаровқа, М.Б.Есенғазыға, Б.Қ.Есмырзаевқа және Н.О.Қажғалиевқа”, – делінген жазбада.

• "Қанға боялған бетонның үстінде жаттық": Қаңтарда аяғына екі жерден оқ тиіп, түрмеде азап көрген жетім жігіттің оқиғасы


• "Ағамды атқан адам белгілі болды": Алматыдағы тәртіпсіздіктер кезінде көз жұмған археологтың інісі тергеу қалай жүріп жатқанын айтты


• "Кенже сәбиін бауырына баса алмай кетті": Алматыда Қаңтар оқиғасы кезінде күйеуінен айырылған төрт баланың анасы қазіргі жағдайын айтты

Құқық қорғаушы "куәгер" мәртебесін алған қаза болғандар мен жараланғандар туралы сұрақтар шешілмей жатқанын атап өтті.