Президент армиядағы мәселелер туралы: Жеке телефоным арқылы тапсырмалар мен ескертулер жіберемін
Президент Қасым-Жомарт Тоқаев барлық деңгейдегі мәслихат депутаттарының ІІ республикалық форумында армиядағы және балалармен байланысты қайғылы оқиғалар туралы пікір білдірді. Бұл туралы Stan.kz ақпарат агенттігі хабарлайды.
Мемлекет басшысы балаларға қатысты әрбір трагедия жүрегіне ауыр тиетінін айтты.
"Мен мұндай жағдайларға мемлекеттік органдардың назарын бірден аударып, тиісті тапсырмалар беремін және олардың орындалуын тұрақты бақылауда ұстаймын. Бұл жағдай әскердегі қайғылы оқиғаларға да қатысты. Барлық министрге тиісті тапсырмалар берілді. Мен бірден, тіпті қызметтік телефондарды қолданбай-ақ, "смартфондар" арқылы тапсырмалар беріп, сәйкесінше ескертулер жасаймын", – деді Тоқаев.
Еске салайық, бұған дейін қорғаныс министрінің орынбасары Шайх-Хасан Жазықбаев сарбаздардың "отбасылық жағдайға байланысты" өз-өзіне қол жұмсайтынын айтты. Ведомство әскерилер өлімінің 90 пайызы әскери қызметке мүлдем қатысы жоқ деген мәлімдеме жасады.
Рейхстагқа ту тіккен Рахымжан Қошқарбаев па, әлде тарихи шындық бұрмаланды ма?
“Ақиқат бәрін жеңеді, бірақ 50 жыл кешігіп жүреді" дейді тарихшы Болат Сайлан
"Жалаң қылышпен танктерге қарсы соғысқан": Екінші дүниежүзілік соғыс кезінде жойылып кеткен 106-ыншы атты әскери дивизия туралы не білеміз
Дивизия құрамына алынатын жауынгерлерге "оқып-жаза алуы керек және орыс тілін білуі керек" деген талап қойылды