Қарағандыда полиция қызметкері жаяу жүргіншіні қағып кетті (видео)
Қарағандыда патрульдік полиция көлігі жаяу жүргіншілер өткелінде жас қызды қағып кетті. Бұл туралы Stan.kz ақпарат агенттігі хабарлайды.
Видеодан скрин
Жол апаты болған сәт сол маңдағы көліктің камерасына түсіп қалған. Кадрлардан жаяу жүргіншілер өткелінен өтіп бара жатқан қызды патрульдік полиция көлігі қағып кеткенін анық көруге болады.
Қарағанды облысының полиция департаменті зардап шеккен 22 жастағы қыздың медициналық мекемеге жеткізілгенін хабарлады.
"11 ақпан күні Қарағанды қаласы полиция басқармасының патрульдік полиция экипажы алдында келе жатқан көлікке соқтығысудан қашып, жаяу жүргіншіні қағып кеткен. Жол апатының салдарынан 22 жастағы жаяу жүргінші медициналық мекемеге жеткізілді. Қызметтік көлік жүргізушісіне қатысты әкімшілік хаттама толтырылып, материалдар шешім қабылдау үшін сотқа жіберілді", – делінген полиция хабарламасында.
Талқылау
"Шетелде билетсіз, қонақүйсіз далада қалдым": Қазақстандықтар авторлық тур сатып аламыз деп 2 млн теңгеге дейін қаражаттарынан қағылған
Олар 300 мың теңгеден 2 миллион теңгеге дейінгі ақшадан қағылды
"Бөлімше болыңыз, біздің команда": Алматыда косметика дүкенінің қате аудармасы жұрттың ашуын туғызды
Оқырмандардың бірі баспахананың да мұндай немқұрайлығына реніш білдірді