Перизат Қайраттың анасы да қылмыстық іске қатысты күдікті деп танылды
Қаржы мониторингі агенттігі төрағасының орынбасары Жеңіс Елемесов Перизат Қайраттың анасы Ғайни Алашбаеваға қатысты қылмыстық істің тіркелгенін растады. Бұл туралы Stan.kz ақпарат агенттігі хабарлайды.
Фото: Перизат Қайраттың Instagram парақшасынан
Елемесовтің айтуынша, Ғайни Алашбаеваға алаяқтыққа, қылмыстық жолмен келген ақшаны заңдастыруға көмектесті деген айыптар тағылған.
"Әзірге Алашбаеваға қатысты бұлтартпас шарасы таңдалған жоқ, қамауға алынбады", – деп түсіндірді ол.
Сонымен қатар қылмыстық істе Перизат Қайрат пен анасынан басқа күдіктілер жоқ. Сондай-ақ мемлекеттік қызметкерлерден де жауап алынбаған.
Ғайни Алашбаеваға қатысты қылмыстық іс тіркелгені туралы ақпарат әлеуметтік желіде 20 желтоқсанда тараған еді.
Еске салайық, бұған дейін Перизат Қайратқа мүгедек балаларға арналған орталық салуға жиналған 22 миллион теңгені жымқырды деген айып тағылғаны туралы хабарлаған едік.
Өрт сөндіргіш, дәрі қобдишасы, апат белгісі: 2026 жылы Қазақстанда көлікте қандай заттар болуы керек
Мопедте болуы керек құжаттар тізімі де аталды
Қатерлі ісікке шалдыққан жігітке ғашық болған қазақстандық қыздың махаббаты оны сырқатынан айықтырды
Аружан Райымбектің жағдайын өте ауыр қабылдаған, тіпті сауығып кеткенше көзі жастан құрғамаған