Павлодар облысында ер адам өртеніп жатқан үйден отбасын құтқарып, өзі қаза тапты
Павлодар облысында ер адам өртеніп жатқан үйден отбасын құтқару кезінде қаза тапты. Бұл туралы Stan.kz ақпарат агенттігі хабарлайды.
Облыстық төтенше жағдайлар департаментінің мәліметінше, Тереңкөл ауданында тұрғын үйдегі өрт кезінде 1982 жылы туған ер адам қаза тапқан. Ер адамның өртеніп жатқан үйден әйелін және балаларын құтқарамын деп көз жұмғаны белгілі болды.
“Өрт сөндірушілер келгенге дейін ер адам әйелін және үш баласын терезеден шығарып үлгерген”, – делінген ТЖД хабарламасында.
Газдан уланған әйел мен балалар аудандық ауруханаға жеткізілген.
Өрт үйдің шатырын шарпыған. Өрттің жалпы ауданы 100 шаршы метрді құрады. Өрттің шығу себебі анықталуда.
Талқылау
"Халыққа құрметсіздік танытты": Танымал қазақстандық бренд "Борат" образын қолданғаны үшін сынға қалды
"Борат" Қазақстан қоғамы үшін бұрыннан даулы әрі сезімтал тақырып
Желіде шетелге шыққан қазақстандықтарға сыйақы ұсынатындар көбейген: Мұның артында не тұр
Ведомоство мұндай жағдайлар жауапкершілікке әкелетінін ескертті