Павлодар облысында 6 миллиард теңгені құрайтын мемлекеттік сатып алу тоқтатылды
Павлодар облысында заң бұзушылықтар анықталғаннан кейін 6 миллиард теңгені құрайтын мемлекеттік сатып алу тоқтатылды. Бұл туралы Stan.kz ақпарат агенттігі хабарлайды.
Прокуратураның хабарлауынша, облыста өнім берушілерді мемлекеттік сатып алудың конкурстан тыс әдісімен іріктеу фактілері анықталды.
"Еңбек-Өскемен" РМК филиалы және "КазСтройСервис" ЖШС-мен бір көзден алу тәсілімен негізсіз жасалған шарттардың жалпы сомасы 6 миллиард теңгені құрады. Қала прокуратурасының қадағалау актісі негізінде ішкі мемлекеттік аудит бөлімі талап-арыздарды жүргізді. Павлодар облысының мамандандырылған ауданаралық экономикалық сотының шешімдерімен 11 келісім жарамсыз деп танылды", – делінген хабарламада.
Сонымен қатар Павлодар қаласы әкімдігінің құрылыс бөлімінің басшысы Әкімшілік құқық бұзушылық туралы кодекстің 207-бабы ("Мемлекеттік сатып алу туралы заңнаманы бұзу") бойынша әкімшілік жауапкершілікке тартылды.
Аспаннан ақша шашылса немесе көшеден ақша тауып алсаңыз, оны бірден иемденуге бола ма
Заңгер табылған ақшаны ешкімге хабарламай алып кету заңды әрекет емес екенін айтады
Қазақстанда рейс кешіксе, жолаушы не істеуі керек және өтемақыны қалай алады
Рейс 5 сағаттан астам кешіккен жағдайда жолаушы ұшудан бас тартып, билет құнын толық қайтаруды талап ете алады