Париж-2024: Азамат Дәулетбеков пен Мейрамбек Қартбай алғашқы белдесуінде жеңілді
Бүгін Париж олимпиадасында жарыс алаңына шыққан еркін күрес шеберлері алғашқы айналымда қарсыластарына есе жіберді. Бұл туралы Stan.kz ақпарат агенттігі хабарлайды.
Фото: ҰОК
Бүгін Париж бозкілемінде бақ сынаған еркін күрес шеберлері алғашқы кездесулерінде жеңіліп қалды. Жарыстың алғашқы күнінде 57 мен 86 келі салмақтағы спортшылар қарсыластарына есе жіберіп, ширек финалға шыға алмады. 86 келіде ел намысын қорғайтын Азамат Дәулетбеков алғашқы белдесуінде-ақ Токиодағы олимпиада ойындарының жеңімпазы Давид Тэйлорды ұтқан Арон Брукспен кездесіп, 1:4 есебімен жеңілсе, 57 келідегі Мейрамбек Қартбай алғашқы айналымда қырғызстандық Бекзат Алмазулуға есе жіберді.
Айта кетейік, егер отандастарымызды ұтқан спортшылар финалға дейін жетсе, балуандарымыздың жүлдеге таласатын мүмкіндігі бар.
Қазақстанда рейс кешіксе, жолаушы не істеуі керек және өтемақыны қалай алады
Рейс 5 сағаттан астам кешіккен жағдайда жолаушы ұшудан бас тартып, билет құнын толық қайтаруды талап ете алады
Инфляция қарапайым тілмен: Жалақы өзгермесе де, азық-түлік неге қымбаттайды
Инфляция азық-түлік бағасына қалай әсер етеді және жалақы өзгермегенде отбасы бюджетіне қалай салмақ түсіреді.