Өскеменде "әкім орынбасары" түрмеде жатып бизнесмендерден 50 миллион теңге жинап алған
Өскеменде өзін әкімнің орынбасарымын деп таныстырған ер адам кәсіпкерлерге хабарласып, су тасқынының салдарын жою үшін ақша алған. Бұл туралы Stan.kz ақпарат агенттігі хабарлайды.
Фото: pixabay.com
Сыбайлас жемқорлыққа қарсы іс-қимыл агенттігінің мәліметінше, сотталушы бизнес субъектісіне одан әрі жеңілдіктер мен преференциялар беруді сылтаурап, кәсіпкердің 50 миллион теңге сомасындағы ақшалай қаражатын иемденгені үшін кінәлі деп танылған.
“Өскемен қаласының соты алаяқтық жасағаны үшін бас бостандығынан айыру орындарында жазасын өтеп жатқан А.Әбдірахмановқа қатысты үкім шығарды.
Ол ұялы телефон арқылы облыс әкімінің орынбасары ретінде өзін таныстырып, су тасқынының салдарын жоюға көмек көрсету мақсатында өңірдің ірі кәсіпкерлерінің атына қоңырау шалған. Сот үкімімен бұрын шығарылған жазаны қосу арқылы оған 8 жыл бас бостандығынан айыру жазасы тағайындалды”, – делінген хабарлама.
Үкім заңды күшіне енген жоқ.
Қазақстандық әйел жалға алушыны пәтерінен шығара алмай, сотқа берген: Алайда сот қараудан бас тартты
Пәтер иесі: "Жалдау шартын бұзылған деп тану және жалға алушыны пәтерден шығаруды міндеттеу талабым "кәмелетке толмағандардың істері жөніндегі сотқа жүгіну керек" деген негізбен бас тартылды"
Ерболат Жанәбілов пен Эльмира Төлегенова ажырасса, сот үкімі өзгере ме? Адвокат жауап берді
Түпкілікті шешімді кейінге қалдыру мерзімі аяқталған соң сот қабылдайды