Өзбекстанда қоғамдық шараларда тегін зат таратуға тыйым салынды
Өзбекстанда көпшілік жиналатын орындарда тегін зат таратуға тыйым салынды. Қаулыға Өзбекстан премьер-министрі Абдулла Арипов қол қойды. Бұл туралы Stan.kz ақпарат агенттігі хабарлайды.
Сондай-ақ жарнама мақсатында өнімдерді тым арзан бағада сатуға шектеу қою көзделген.
Тәртіп бұзғандар әкімшілік жауапкершілікке тартылады. Жаңашылдыққа маусымның басында Ташкент саябағында болған келеңсіз оқиға себеп болған. Балаларды қорғау күні тегін ойыншық таратылып, мыңдаған адам бір-бірін таптап кете жаздаған еді.
Кептеліс кезінде жеткіншектер жарақат алды. Қоғамдық іс-шараларды өткізу ережелерін бұзғаны үшін сол кезде саябақтың директоры, оның орынбасары мен жарнама бөлімінің басшысы 15 тәулікке қамалды.
Еске салсақ, Астанада тегін таратылған раушанға таласқан жұрт бір-бірін таптап тастаған еді.
"Киімдегі жалаңаш қыздар": Дене бітімін айқындайтын хиджаб үлгісі қазақстандықтардың сынына қалды
Имам: “Бұл қыздарды "дұрыс емес киініп жүрсің" деп кінәлауға болмайды”
Қазақстанда ерлі-зайыпты ажырасқанда ипотека мен қарыз қалай бөлінеді
Пәтер ипотеканы рәсімдеген адамның жеке меншігі болып саналады