Отарда әскери қызметкер өз-өзіне қол салды
Отар әскери гарнизонында әскери қызметкер өз-өзіне қол жұмсап, қайтыс болды. Оқиға 82796 әскери бөлімінде болған.
ҚР қорғаныс министрлігінің баспасөз қызметі әскери қызметкер Саян Сатыбаевтың суицидке барғанын мәлімдеді.
“2016 жылы 5 маусымда қатардағы әскери қызметкер Сатыбаев асылып қайтыс болған. Ол өлер алдында ешқандай хат жазып қалдырмаған. 1994 жылы туған Саян, 2014 жылы әскери-техникалық мектепті бітірген. Ол әскер қатарына Ақмола облысы, Ақкөл ауданын шақыртылған. Қазір іс бойынша тергеу жүріп жатыр”, – деді ҚР қорғаныс министрлігі баспасөз қызметінің жетекшісі Жанар Қолбашева.
Ал әскеридің туыстары, Саянның өз-өзіне қол жұмсауы мүмкін емес дейді. Олар әкесі мен ағасының Саянның денесінен зорлық белгілерін байқағанын хабарлаған.
Қазақстанға 12 жылдық мектеп керек пе: Назарбаев зияткерлік мектептеріндегі оқу мерзімі қысқарса, не өзгереді
Мектептегі қосымша бір жылға қатысты қоғам пікірі екіге бөлінді
Елтаңба тауып алғаны, өз ақшасына алаң салғаны үшін: Қазақстанда талқыға түскен айыппұлдар
Қайсысы әділ, қайсысы шектен шыққан шешім болды