Оралда сотты болған Оңдағановтың үйі мемлекеттің меншігіне өтеді
Оралда сотталып кеткен облыстық спорт басқармасының басшысы Мүсілім Оңдағановтың гаражы сүріліп, үйінің қақпасы бұзылғалы жатыр. Ал зәулім сарайы мемлекет меншігіне өтпек. Өйткені ол лауазымды қызметте жүргенде осы нысандар тұрған жер учаскесін рұқсатсыз иемденіп алыпты, деп хабарлады КТК арнасы.
Әкімдіктегілер бұл заңсыздықты шенеунік қамалған соң ғана байқаған. Енді сотқа шағымданып, жерді қайтарып алмақшы. Ол анау-мынау жерде емес, қаланың қақ ортасындағы саябақ жанында орналасқан. Ал осыған жол берген Жер қатынастары басқармасындағылар да тәртіптік жазаға тартылады. Мүсілім Оңдағанов қылмыстық топ құрып, қазынаның 200 млн теңгесін жымқырғаны үшін 2 жылдан бері түрмеде отыр. Әлі өтелетін 10 жылы бар экс-шенеунік жақында әріптестеріне жеңіл ақшадан аулақ жүруді үгіттейтін видеожолдау жасаған еді.
"Үйді тіреп тұрған жерге құрылыс бастады": Алматыдағы "Три богатыря" тұрғындары баспаналары құлап қала ма деп алаңдаулы
Әкімдік құрылыс жұмыстарын уақытша тоқтатты
"Өлім аузынан қалдық": Түркістан облысында су басқан ауыл тұрғындары мал-мүлкінің көз алдында ағып кеткенін айтты
Бұл жолы нөсер небәрі жарты сағатқа ұласқан. Соның өзінде топан су қора-қопсыны қиратып, үй қоршауының түгін қалдырмай құлатып тастаған