Қазақстанның үш қаласынан халық жаппай көшіп жатыр
Фото: pixabay.com/ Vladimir_Fayl
Ұлттық статистика бюросының мәліметінше, еліміздің үш қаласынан халық жаппай көшіп жатыр. Көпшілік Астана, Түркістан сияқты қалаларға көшіп барып жатыр. Бұл туралы Stan.kz ақпарат агенттігі 31-арнаның “Информбюро” жаңалықтар бағдарламасына сілтеме жасап хабарлайды.
Ұлттық статистика бюросының мәліметінше, кейінгі бір жылда Қонаев қаласының халқы 8,2 пайыз азайған. Бүгінде Алматы облысының орталығында 66 мыңға жетер жетпес адам бар. Дәл сол сияқты Семей жұрты 5,1 пайыз кемісе, Байқоңырдан көшкендер 3,6 пайыз болған.
Ал Астана маңындағы Қосшы қаласында керісінше, халық саны қарқынды өсіп келеді. Мәселен, мұнда бір жыл ішінде 62 мың адам көшіп келген. Екінші орында – Астана қаласы. Қазір елордада 1,55 миллион адам тұрады. Түркістан да осы тізімнің қатарында. Мұнда халықтың саны 240 мыңға жеткен.
"Scopus-қа мақала шығару үшін 1,5 миллион теңге сұрайды": Қазақстандық ғалымдар докторантурадағы талаптарға наразы
Ресми деректерге сүйенсек, қазір Қазақстан бойынша докторантурада 7 600-ден 9 500-ге дейін докторант білім алуда
"Денесінде бұған басшылық кінәлі деген жазуы бар": Түрмеден шығуына 20 күн қалған қазақстандық ер адам қаза тапты
Оны бостандыққа шығуына санаулы күндер қалған болатын