Таиланд қазақстандықтар үшін визасыз режим мерзімін қысқартады
Таиланд билігі шетелдік туристер үшін визасыз кіру шарттарын өзгертуді жоспарлап отыр. Бұл туралы Stan.kz ақпарат агенттігі хабарлайды.
Фото: Freepik
Премьер-министр Пхетхонгтхан Чинават елдегі визасыз болу мерзімін 60 күннен 30 күнге дейін қысқартуды тапсырды. Бұл туралы мемлекеттік қоғаммен байланыс департаменті мәлімдеді.
Бұл шешім кейбір шетелдіктердің ережелерді бұзып, белгіленген мерзімнен артық қалуына және заңсыз еңбекпен айналысуына байланысты қабылданды.
“Премьер-министр Пэтонгтарн Чинават визасыз кіру бағдарламасын қайта қарауды тапсырды. Өйткені кейбір шетелдіктер заңды бұзып, елде болу мерзімін асырып немесе заңсыз жұмыс істейтіні анықталды. Тиісті ведомстволар — Сыртқы істер министрлігі, Ішкі істер министрлігі және Туризм және спорт министрлігі — бұл бағдарламаның салдарын зерттеп, болу мерзімін қайта қарауға тиіс”, — делінген ресми мәлімдемеде.
Қазіргі уақытта визасыз режим 93 ел мен аумақтың азаматтарына қолданылады, олар Таиландта 60 күнге дейін тұрып, оны тағы 30 күнге ұзартуға мүмкіндік алады. Бұл елдердің қатарына Қазақстан да кіреді. Ережелер қайта қаралған соң, елде болу мерзімі 30 күнмен шектелуі мүмкін.
"Баланы тұз қосылған суға шомылдыру, омырауын сығу" сынды салттар қаншалықты дұрыс – Мамандар жауап берді
