Қазақстандық түлектерге 8000-нан астам қосымша гранттар бөлінеді
Ғылым және жоғары білім министрлігі қазақстандық талапкерлерге тағы да қосымша гранттар бөлінгенін мәлімдеді. Бұл туралы Stan.kz ақпарат агенттігі хабарлайды.
Фото: iStock
Министрлік хабарламасында 3 000-ға дейін грант қайта бөлінгені жазылған. Сонымен қатар:
- Жұмыс берушілерден 870 грант;
- Түркістандағы Халықаралық Туризм және қонақжайлылық университетінен 800 грант;
- Ректорлық гранттар;
- 2 475 жергілікті атқарушы органдардың гранттары;
- "Қазақстан халқына" қорының гранттары;
- Қ.А.Яссауи атындағы Халықаралық қазақ-түрік университетінде оқу үшін Түркия Республикасынан берілетін грант бар.
Талапкерлерге сессия қорытындысы бойынша бос гранттар алу мүмкіндігі де қарастырылады. Барлығы 8000-нан астам қосымша гранттар қарастырылған.
Сонымен қатар министрлік студенттерге жатақхана туралы барлық ақпаратты ұсынатын колл-орталықтың іске қосылғанын алға тартты. Саясат Нұрбек егер студент баспанасыз қалса не істеу керектігін айтты.
"Бірде-бір студент көшеде қалмайды. Арнайы номерге хабарласып, жатақханалар бойынша толыққанды ақпарат алуға болады. Мысалы, егер студент жатақханада да, орын таппаса, онда бірнеше университеттен: Сәтбаев атындағы, Абай атындағы университет жатақханаларынан бір-екі түнде тұруға болатын төсек-орын ұйымдастырылған", - деді министр.
Оның айтуынша, Алматы мен Астанадағы жоғары оқу орындарының жанынан ахуалдық орталықтар іске қосылды.
Студенттер жатақханалар туралы ақпарат алу үшін мына номерге хабарласа алады:
+7 700 255 14 43;
+7 700 950 95 28;
Еске салсақ, министр неліктен жоғары балл алған қазақстандық түлектердің грант ұта алмай қалғанын түсіндірген еді.
Түркістан облысында жасөспірім қызды зорлады деген басты күдікті мен 12 ер адам жауапқа тартылмаған күйі, іс жабылған
