Соңғы жаңалықтар
Соңғы жаңалықтар

Үйлену тойында күйеу жігіт қалыңдығының басынан ұрған: Желіде қызу талқыланған видеоның мән-жайы белгілі болды

Өзбекстанда күйеу жігіт үйлену тойы кезінде қалыңдығына ашуланып, оны ұрып-соққан еді. Видео әлеуметтік желілерде жылдам таралып, резонанс тудырған, деп хабарлайды Stan.kz ақпарат агенттігі gazeta.uz. порталына сілтеме жасап.

Кадрларда мерекелік үстелдегі қалыңдық пен күйеу жігіт арқан секілді затты жылдам тарқатып жатқанын көруге болады. Байқауда қалыңдық жеңіске жеткеннен кейін оны күйеуі басынан ұрып жібереді. 

Өзбекстанның отбасы және әйелдер мемлекеттік комитетінің мәліметтері бойынша, 6 маусым күні Сурхандария облысының Ұзын ауданындағы Толтуғай махалласында 1997 жылғы Р.Х. және 2003 жылғы А. Д. екеуінің үйлену тойы болған. Салтанатты шара күйеу жігіттің үйінде өткен. Мереке кезінде тәттілермен байқау өткізілген. Күйеу жігіт пен қалыңдық оларды тез ашып, жарысқан. Жарыста қалыңдық жеңіске жеткен, бұған ашуланған күйеу жігіт оны басынан бір-ақ ұрады. 

Сузун ауданының ішкі істер басқармасы оқиғаны зерттеп, күйеу жігіт және қалыңдықпен, сонымен қатар, олардың ата-аналарымен "профилактикалық әңгіме" өткізді. 

"Азамат Р.Х. іс-әрекеттерінде қылмыс белгілері табылып, оның құжаттары Ұзын аудандық қылмыстық істер жөніндегі сотқа жіберілді", - делінген комитет хабарламасында.

Басылым мәліметінше, ер адамға қатысты әкімшілік жауапкершілік туралы кодекстің 183-бабы бойынша әкімшілік іс ашылған ("Ұсақ бұзақылық" 3-тен 5-ке дейін базалық есептік айыппұл салуға немесе 15 тәулікке дейін әкімшілік қамауға әкеп соғады).

Талқылау